Afmælisknús handa ykkur vinir mínir

Ég hef oft og mörgum sinnum bloggað um veðrið og var fyrir löngu síðan búinn að ákveða að gera það aldrei aftur en ekki get ég staðið við það. Veðrið hefur ótrúleg áhrif á mig og ábyggilega marga aðra. Í dag skín sólin og reykurinn úr sementsstrompinum rýkur beint upp þannig að það er gott og fallegt veður á skaganum í dag, kannski er það út af því að í dag á ég afmæli!!

Afmælisknús á ykkur öll.........

Bloggfærsla.......

Jæja hvað segið þið núna, sest niður við tölvuna og skrifa hér blogg handa ykkur vinkonur mínar í baunalandi. Nú læt ég flakka nokkrar fréttir af okkur á landinu kalda.

Frá því að við fluttum hefur ekkert verið annað en kuldi, rok, kuldi, ennþá meira rok...brrr ég er alveg að gefast upp á veðrinu enda mikið að spá í að kaupa handa okkur fjölskyldunni miða í sólina í sumar eða hreinlega í eina danmerkursreisu, það er aldrei að vita hvað manni dettur í hug. Ég er ekkert hissa á því að fólk kaupi sér ferð til útlanda þegar það býr í svona landi þar sem veðrið getur verið ömurlegt allan veturinn......ef ég ætti fullt af peningum þá myndi ég kaupa mér ferð á 4 mánaða fresti.

Annars gengur allt vel hjá okkur og allir glaðir og ánægðir með það sem þeir eru að gera. Nú er á fullu undirbúningur fyrir fermingu frumburðans sem okkur mæðgum finnst nú ekki leiðinlegt að skipuleggja. Fjölskyldufaðirinn er á fullu í leikritaundirbúningi og verður sýnt 29. febrúar. Það er óhætt að segja það að við fjölskyldan verðum ósköp glöð þegar fjölskyldulífið verður aftur eins og það á að vera. En það verður spennandi að fara á frumsýninguna ekki hægt að segja annað en ég sé stolt af karlinum mínum.

Jæja ég læt þetta duga af okkur fjölskyldunni í bili, kannski að ég bloggi bráðum aftur, hver veit.

Jólakveðja

Sæl kæru vinir

Við viljum óska ykkur gleðilegra jóla og farsælts komandi nýtt ár.

Það er allt gott að frétta af okkur, erum öll kominn í jólafrí og njótum þess að vera saman og undirbúa jólin þó ekki sé nú mikið stressið á okkur enda vorum við búinn að kaupa allar jólagjafir úti áður en við komum. Keyptum jólatré í gær (svolítið mikið dýrara en í danmörkinni) en jólakortin hafa eitthvað gleymst og erum við hjónin sein í ár, elsku fólk í útlöndum þið fáið nýárskveðjur frá okkur, er ekki bara gaman að fá kort svona á milli jóla og nýárs?? Takk fyrir allar yndislegu heimsóknirnar og knúsin sem við höfum fengið síðastliðinn mánuð.

Hafið það gott og njótið jólahátíðarinnar.

Erum komin uppá skaga, ferðin heim gekk vel fyrir utan að Elvira varð veik og er enn. Stúlkan ætlar að rífa það úr sér núna um helgina svo hún komist í aðlögun á Skátaselið á mánudaginn. Krakkarnir búnir með fyrsta daginn í skólanum og gekk vel. Heimþráin er samt mikil hjá þeirri stóru. Nú bíðum við bara eftir gámnum og íbúðinni. Fullorðna fólkið byrjar að vinna á næstu dögum. Erum sæl og ánægð á íslandinu, yndislegt að hitta fjölskyldu og vini þó veðrið sé ömurlegt í dag...þvílíkur kuldi.

Bið að heilsa öllum í Danmörkinni.

Kveðja

Þetta verður mín síðasta bloggfærsla héðan úr Danmörkinni, efast reyndar um að ég eigi eftir að blogga eftir að ég flyt. Þetta blogg hefur aðallega verið gert fyrir ættingja og vini á meðan við höfum dvalið í baunalandinu.

Takk fyrir að fylgjast með og skrifa komment.

Þið sem búið á Íslandi þá verður voða gaman að hitta ykkur, eigum flug þann 13. nóvember og þið sem eigið heima í Danmörkinni-----ég á eftir að sakna ykkar!!!!

Ég var hreinlega búinn að gleyma því hvað mér finnst leiðinlegt að pakka, er á fullu að pakka núna og finnst mér þetta taka ótrúlega langan tíma og vá ég sem hélt við ættum ekkert dót. Þvottavélin ákvað líka að gefast upp á okkur þannig að við þurftum að fjárfesta í nýrri vél sem er ekki kominn í hús, það tekur því nú varla að tengja hana áður en við förum en þá er nú gott að eiga góða granna að og systir sem hægt er að níðast á. Týpískt samt fyrir okkur að lenda í þessu svona rétt fyrir flutninga

Allt er að smella saman hjá okkur og eru 2 vikur í okkur á Íslandið, kvíði svolítið fyrir veðrinu sem er heima núna, svolítill munur á veðurfari hér og á Íslandi. Nú njótum við síðustu dagana hér í Aarhus og löbbum um bæinn og skoðum staði sem við eigum eftir að sakna. Fórum í dag í sund og nutum þess að busla í heitri innilauginni.

Helgin hljómar uppá pökkun auðvitað og jólahlaðborði með vinum okkar hér úti, hlakka mikið til. Krakkarnir fara í pössun til Sylvíu systir og gista þar, þetta verður fyrsta næsturgistingin hennar Elviru Öglu síðan hún fæddist.

Tölvuveiki

Hvað er eiginlega í gangi með mig? á mánudagsmorgninum leið yfir mig þegar ég var á bloggrúnti á netinu, náði að öskra á Gunna til að láta hann vita, rétt náði að kasta tölvunni frá mér áður en ég lognaðist út af og á þriðjudagskvöldið sat ég í sófanum með tölvuna í fanginu og þá heyrist eitthvað klikk í vinstra hnénu og er ég nú haltrandi og læknarnir skilja ekkert hvað er að mér, er núna á sterkjum verkjatöflum við sársaukanum í hnénu.......kannski er ég bara með einhvern tölvusjúkdóm heheheh, nei annars er ég öll að koma til finnst bara frekar fyndið að það skuli líða yfir mig og fá svona næsta dag eitthvað í hnéð og geta næstum ekki gengið...ég held bara að ég láti tölvuna í friði hef ekki tíma í svona vesen.

Annars fengum við fullt af góðum fréttum í gær..............ohhh þetta er allt saman svo spennandi!!